യാ സയ്യിദീ..മുതുനബിയെ കിനാവിൽ കാണാനുള്ള വഴിയൊന്നു പറഞ്ഞു തരുമോ?
അള്ളാഹു നമ്മെ ആ തിരു കാഴ്ച കൊണ്ടനുഗ്രഹിക്കട്ടെ ..ആമീൻ
ആ കാഴ്ചയിലേക്ക് അതിയായ ആഗ്രഹമുണ്ടെങ്കിൽ തീർച്ചയായും അള്ളാഹുവത് പൂർതീകരിചു തരും ..
ആ തിരുകാഴ്ച ക്ക് വഴിയൊരുക്കാൻ 4 രൂപമാണ് ആരിഫീങ്ങൾ പറയുന്നത് ...
1---മുത്ത് നബിയുടെ മേൽ ധാരാളമായി സ്വലാത്ത് ചൊല്ലുക
ഹാഫിള് സഖാവി തന്റെ അൽ ഖൌലുൽ ബധീഊ ഫീ സ്വലതി അലൽ ഹബീബി ഷഫീഉ ഇൽ പറയുന്നു ..മിനിമം 300 സ്വലാത്ത് ഒരു ദിനം മുതുനബിയുടെ മേൽ പതിവാക്കുക...അത് "''"അള്ളാഹുമ്മ സ്വല്ലി അലയ്ഹി""" എന്നോ """"അള്ളാഹുമ്മ സ്വല്ലി അല സയ്യിദിന മുഹമ്മദി നബിയ്യുൽ ഉമ്മിയ്യ് വ അലാ ആലിഹി വ സ്വഹ്ബിഹി വ സല്ലിം """"..തുടങ്ങി മുതുനബിയുടെ മേലുള്ള ഏതു തരം സ്വലാതുമാവാം ...
2--- മുത്ത് നബിയുടെ സുന്നത്തിനെ ബഹുമാനിക്കുക ...
ഒരു സുന്നത്തായ പ്രവർത്തനം ചെയ്യൽ മാത്രമല്ല ..അവയോടുള്ള ബഹുമാനവും മുത്ത് നബിയോടുള്ള പരിപൂർണ മായ ചര്യ അനുധാവനം ചെയ്യൽ കൂടിയാണെന്ന് മനസ്സിലുണ്ടാവണം ...ഉദാഹരണം വലതു കരം കൊണ്ട് ഭക്ഷണം കഴിക്കുമ്പോൾ അത് സുന്നത്ത് തന്നെ ..അത് നമുക്ക് കഴിക്കാൻ എളുപ്പമായ രൂപം ആയതു കൊണ്ട് മാത്രമല്ല മറിച്ചു ഹബീബ് ചെയ്തത് അങ്ങനെയാണ് ..അത് കൊണ്ട് ഞാനും ചെയ്യുന്നു ..എന്നൊരു കരുത്തുണ്ടാവണം...മനസ്സ് മുതുനബിയുമായി ബന്ധിക്കുക
അപ്പ്രകാരം വീടുകളിൽ വലതു കാൽ വെച്ച് കയറു മ്പോഴും ഇടതു കാൽ വെച്ച് ഇറങ്ങുമ്പോഴും ..ഇതൊക്കെ ഹബീബ് ചെയ്തതിനാൽ ചെയ്യുന്നുവെന്ന ഒരു കരുത്ത്..പുണ്യ പൂമെനിയെ പിന്തുടരുന്നുവെന്ന ഒരു നിയതുണ്ടാവണം..
അതാണ് സുന്നത്തിനെ ബഹുമാനിക്കുകയെന്നതിന്റെ അർഥം
ആളുകളെ അഭി മുഖീകരിക്കുമ്പോൾ പുഞ്ചിരി മുഖതുണ്ടാവുക ..ഹബീബ് പൊട്ടിച്ചിരി ക്കാറുണ്ടായിരുന്നില്ല...എപ്പോഴും മുഖത് പുഞ്ചിരി സൂക്ഷിക്കുമായിരുന്നു ..അവിടുന്ന് പുഞ്ചിരി തൂകുന്ന മുഖവുമായി ടല്ലാതെ ഒരാളെയും അഭി മുഖീ കരിച്ചിട്ടില്ല ..അതാണ് ഹബീബിന്റെ വഴി ...
3---മുത്ത് നബിയുടെ ഉമ്മതിനു ,,സമുദായത്തിന് സേവനം ചെയ്യുക ....
നാം മറ്റൊരാൾക്ക് സേവനം ചെയ്യുന്നതിൽ യാതൊരു പിശുക്കും കാണിക്കരുത് ...സേവനം ചെയ്യൽ വെറും മുസ്ലിമീങ്ങൾക്ക് മാത്രമല്ല ...എല്ലാ സമുദായത്തിനും വേണം ...കാരണം മുതുനബി അകില ലോകത്തിനും കാരുണ്യമാണ് ...
4---മുതുനബിയിലേക്ക് ആളുകളെ ക്ഷണിക്കുക ...
ഇതിന്റെ കൂടെ മുത്ത് നബിയുടെ പ്രതേകതകൾ എടുത്തു പറയുന്ന 3 തരം ഗ്രന്ഥങ്ങളുണ്ട് ..സീറകൾ,ശമാഇലുകൾ ,ഖസാഇസുകൾ തുടങ്ങിയവ...
മുത്ത് നബിയുടെ ചരിത്രങ്ങൾ,,, സീറകളും.
സ്വഭാവ ശരീര രൂപ ഘട നയെ കുറിച്ച് പറയുന്നത് ഷമാഇലുകളും .
അള്ളാഹു ഹബീബിന് മാത്രമായി ചെയ്ത ഗുണഗണങ്ങൾ എടുത്തു പറയുന്നത് ഖസാഇസുക ളും.
ഇത്തരം ഗ്രന്ഥങ്ങളും അധികരിച്ച് വായിക്കുക ..മുത്ത് നബിയെ നന്നായി പഠിക്കുക ...
അള്ളാഹു ഹബീബിനോടുള്ള മഹബ്ബത് നമ്മുടെ ഹൃദയത്തിൽ നിറക്കട്ടെ ...ആമീൻ
വേറൊന്നു കൂടെയുണ്ട് മുത്ത് നബിയോട് ഹുബ്ബ് കൊണ്ട് ഒരു പ്രതേക തരം ബന്ധം ഉണ്ടാക്കുക ..ആ പൂമുഖം കാണാനുള്ള അതിയായ ആഗ്രഹം ..പെട്ടെന്ന് തന്നെ തിരു കാഴ്ച്ചക്കുള്ള പ്രാർഥനകൾ ..യാ റബ്ബ് നിന്റെ ഹബീബിനെ കാണിച്ചു തന്നെനെ ആദരിക്കൂ അള്ളാഹ്...എന്നൊക്കെയുള്ള തേട്ടങ്ങൾ..
അള്ളാഹു നമ്മെയും മുത്തുനബിയെ കിനാവിൽ കാണിച്ചനുഗ്രഹിക്കുമ്മാറാകട്ടെ...ആമീൻ
ഇഷ്ടമായെങ്കിൽ മറ്റുളവരിലേക്കു കൂടി എത്തിക്കൂ...ഹബീബിനെ അറിയിക്കൂ ....അത് കാരണം തിരു കാഴ്ചക്ക് വഴിയൊരുങ്ങട്ടെ..ആമീൻ
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ