ഞാൻ സിനിമാ സംസ്ക്കാരത്തെയും സിനിമാ താരങ്ങളെയും വെറുക്കുന്നു. കാരണം ഞാനൊരു മുസ്ലിമാണ്.
ഒരു മുസ്ലിമിന് ഒരിക്കലും സിനിമയെയൊ സിനിമാ താരങ്ങളെയൊ സിനിമാ സംസ്കാരത്തെയൊ സ്നേഹിക്കാൻ കഴിയില്ല.
കാരണം അത്റ കണിശമായിട്ടാണ് ഇസ്ലാം ഇതിനെ നിരോധിച്ചിട്ടുള്ളത്.
പക്ഷെ എന്തു കൊണ്ടോ സമകാലിക മുസ്ലിം സമുദായത്തിൽ ഇതിന്റെ ഗൗരവം നഷ്ടപ്പെട്ടു പോയി.
ഈ ടി വി കാണലിന്റെ ഭവിശ്യത്തുകളെ കുറിച്ചും അത് മൂലം നാളെ അല്ലാഹുവിന്റെ കോടതിയിൽ വരാനിരിക്കുന്ന വിപത്തുകളെ കുറിച്ചും മുസ്ലിം സഹോദരൻമാരെ ഒന്നു ഓർമ്മിപ്പിക്കൽ മാത്റമാണ് ഈ പോസ്റ്റിൻറെ ലക്ഷ്യം. സൂറത്തുൽ ഫാത്തിഹയിൽ അല്ലാഹു പറയുന്നത് കാണുക:-
നീ എന്നെ നേരായ മാർഗ്ഗത്തിൽ നയിക്കേണമേ.
എന്നിട്ട് തൊട്ടു താഴെ തന്നെ അല്ലാഹു നേരായ മാർഗത്തെ വിശദീകരിച്ചു കൊണ്ട് പറയുന്നു:-
നേരായ മാർഗ്ഗമെന്നാൽ നീ അനുഗ്രഹം ചെയ്തവർ വഴിനടന്ന മാർഗം. നിന്റെ കോപത്തിനിരയായവർ വഴി നടന്ന മാർഗമല്ല. വഴിപിഴച്ചു പോയവരുടെ മാർഗ്ഗവുമല്ല...
ശ്റദ്ധിക്കുക...
നേർമാർഗ്ഗമെന്നാൽ അല്ലാഹു അനുഗ്രഹം ചെയ്ത ജനങ്ങളുടെ പാത പിന്തുടരലാണെന്നും അല്ലാഹുവിന്റെ കോപത്തിനിരയായവരുടെയും വഴി പിഴച്ചവരുടെയും മാർഗ്ഗത്തിൽ നിന്ന് ഒഴിഞ്ഞു നിൽക്കലാണെന്നും സുതാര്യം വ്യക്തമാണല്ലോ?
സജ്ജനങ്ങളുടെ പാത പിന്തുടരണമെങ്കിൽ അവൻ അനുകരിക്കേണ്ടത് സജ്ജനങ്ങളെ ആയിരിക്കണമല്ലോ?
അങ്ങനെ അനുകരിക്കണമെങ്കിൽഅവന്റെ ഹൃദയം ബന്ധപ്പെട്ടിരിക്കേണ്ടത് സജ്ജനങ്ങളുമായിട്ടാകണമല്ലോ?
ഇനി ഞാനൊന്നു ചോദിക്കട്ടെ !
ഹൃദയത്തിൽ അനുകരണമുണ്ടാകുന്നതെങ്ങനെയാണ്?
ഉത്തരം :- ഒരു മനുഷ്യ ഹൃദയം ആകർഷകമായി ഇഷ്ടത്തോടെ കാണുന്നതെന്തോ അതിനെയായിരിക്കും സ്വഭാവികമായും അനുകരിച്ചു പോകുന്നത്.
ഇനിയൊന്നു ചിന്തിക്കുക നാമും നമ്മുടെ മക്കളും അനുകരിക്കുന്നത് ആരെ?
കഴിഞ്ഞ കാലഘട്ടങ്ങളിൽ മാതാപിതാക്കൾ മക്കൾക്ക് പഠിപ്പിച്ചു കൊടുത്തിരുന്നത് അല്ലാഹുവിനെ ഭയന്നു ജീവിച്ച മഹാരഥന്മാരെ കുറിച്ചായിരുന്നു.
അങ്ങനെ ആ യുഗത്തിന്റെ മക്കൾ മഹാന്മാരെ അനുകരിച്ചു ജീവിച്ച് ഈമാൻ ലഭിച്ച് മരിച്ചവരായി. എന്നാൽ ഇന്ന് കഥയാകെ മാറി.
നാമും നമ്മുടെ മക്കളും അനുകരിക്കുന്നത് വ്യഭിചാരികളായ ടി വി താരങ്ങളെയാണ്.
വ്യഭിചാരത്തോടടുക്കുക പോലുമരുതെന്നു പഠിപ്പിച്ച വിശുദ്ധ ഗ്രന്ഥത്തിന്റെ വക്താക്കൾ അവര് തന്നെ അറിയാത്ത രൂപത്തിൽ സ്വന്തം ശരീരത്തേയും കുടുംബത്തെയും അല്ലാഹുവിന്റെ മാർഗ്ഗത്തില് നിന്നും അകറ്റിക്കൊണ്ടിരിക്കയാണ്.
ഇത് തന്നെയാണ് സൂറത്തു ലുഖ്മാനിൽ അല്ലാഹു പറഞ്ഞത്. :-യാതൊരറിവുമില്ലാതെ ജനങ്ങളെ ദൈവ മാര്ഗ്ഗത്തിൽ നിന്ന് തെറ്റിച്ചു കളയാനും അതിനെ (ദൈവമാർഗത്തെ) പരിഹാസ്യമാക്കിത്തീർക്കാനും വേണ്ടി വിനോദ ഉപകരണങ്ങള് വിലയ്ക്ക് വാങ്ങുന്ന ചിലർ ജനങ്ങളുടെ കൂട്ടത്തിലുണ്ട് .അവർക്കാണ് അപമാനകരമായ ശിക്ഷയുള്ളത്.(ലുഖ്മാൻ 6)
ചിന്തിക്കുക..!
ടി വി സംഗീതോപകരണങ്ങൾ പോലുള്ള വിനോദ ഉപകരണങ്ങൾക്ക് അല്ലാഹുവിന്റെ മാർഗ്ഗത്തില് നിന്ന് തെറ്റിച്ച് കളയാനും അതിനെ പരിഹാസ്യമാക്കി തീർക്കാനുമുള്ള പൈശാചികമായ കഴിവുണ്ടെന്നു പറഞ്ഞത് ഖുർആനാണ്.
മഴ പെയ്തു കഴിഞ്ഞ ഭൂമിയിൽ സസ്യങ്ങൾ മുളക്കുന്നത് പോലെ സംഗീതം ആസ്വദിക്കുന്നവന്റെ ഹൃദയത്തില് നിഫാഖ് (കാപട്യം) മുളക്കുമെന്ന് പഠിപ്പിച്ച സത്യ മതത്തിന്റെ വക്താക്കളാണ് നാം. ഇനി നാം ചിന്തിക്കുക നമ്മുടെ മക്കളെ ആരാക്കണമെന്ന്. സിനിമയും സംഗീതവും കൊണ്ട് ഹൃദയം മലിനമാക്കി അല്ലാഹുവിൽ നിന്നും അകന്ന് നാളെ നരകാവകാശിയാക്കണോ അതോ ഇവകളിൽ നിന്നും അകറ്റി അല്ലാഹുവുമായി അടുപ്പിച്ച് ദീനിന്റെ വക്താവാക്കി നാളെ സ്വർഗ്ഗാവകാശിയാക്കണോ?
ചിന്തിക്കുക
നന്മ ഉൾക്കൊള്ളുക
അല്ലാഹു നമുക്ക നന്മയുടെ വഴി എളുപ്പമാക്കിത്തരട്ടെ
ആമീന
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ