വഫാത്തുന്നബിയ്യി ﷺ
ഭാഗം - 4
==================
بِسْــــــــــــــــمِ اللَّهِ الرَّحْمَنِ الرَّحِيْـــمِ
اللهم صل على النور وآله وسلم
മുത്ത് നബി ﷺ തങ്ങള്ക്ക് മരുന്ന് നല്കിയതിന്റെ പിറ്റേ ദിവസം,
പ്രഭാതമായി, നേര്ത്ത ആശ്വാസം.
വുളൂഅ് എടുത്തു, പള്ളിയില് സുബഹി നിസ്കാരം തുടങ്ങിക്കഴിഞ്ഞു. അബൂബക്കര്(റ) ഇമാമായി നിസ്കരിക്കുന്നു
റസൂലുല്ലാഹി ﷺ തങ്ങള് ശിരസ്സ് മുറുക്കി കെട്ടി.
അലി (റ)വിന്റെയും ഫള്ലുബ്നു അബ്ബാസ് (റ)വിന്റെയും ചുമലില് പിടിച്ചു നടന്നു.
പള്ളിയിലെ വാതില്ക്കല് റസൂലുല്ലാഹി ﷺ തങ്ങളുടെ പുണ്യ വദനം കണ്ടപ്പോള്, മുത്ത് നബി ﷺ തങ്ങളുടെ അസുഗം കുറഞ്ഞിരിക്കുന്നു എന്ന് സ്വഹബികള്ക്ക് തോന്നി.
നിസ്കരത്തിലായിട്ടും അവര്ക്ക് ആഹ്ലാദം.!!!
ആ സംഗ നിസ്കാരം കണ്ടപ്പോള് മുത്ത് നബി ﷺ തങ്ങള്ക്കും ആഹ്ലാദം.
നിസ്കാരം തുടങ്ങാന് ആഗ്യം കാണിച്ചു.
അബൂബക്കര് (റ) പിന്നോട്ട് മാറാന് തുടങ്ങുകയായിരുന്നു.
മുത്ത് നബി ﷺ തങ്ങള് അത് തടഞ്ഞു. ഇമാമായി തുടരാന് ആവശ്യപ്പെട്ടു.
അബൂബക്കര്(റ)വിന്റെ വലതുഭാഗത്ത് റസൂലുല്ലാഹി ﷺ തങ്ങള് ഇരുന്നു.
നിസ്കാരത്തിനു ശേഷം മുത്ത് നബി ﷺ തങ്ങള് ഉച്ചത്തില് വിളിച്ചു പറഞ്ഞു:
"ഞാന് എങ്ങനെയോ തീ കൊളുത്തപ്പെട്ടു കഴിഞ്ഞു, വലിയ കുഴപ്പങ്ങള് വരാന് പോകുന്നു. അല്ലാഹുവാണെ സത്യം ഞാനതിന് ഉത്തരവാദിയല്ല..
അല്ലാഹുവാണെ സത്യം ഖുര്ആന് അനുവദിനീയമാക്കിയതല്ലാതെ ഞാനൊന്നും അനുവദിനീയമാക്കിയിട്ടില്ല, ഖുര്ആന് നിരോധിച്ചതല്ലാതെ ഞാന് ഒന്നും നിരോധിച്ചിട്ടില്ല"
റസൂലുല്ലാഹി ﷺ തങ്ങള് ആയശ ബീവി(റ)യുടെ വീട്ടിലേക്ക് മടങ്ങി.
സ്വഹാബികള് ആ പോക്ക് നോക്കി നിന്നു...
ഇന്ന് രോഗത്തിന് ശമനം വന്നപോലെയുണ്ട്..
എല്ലാവര്ക്കും സന്തോഷം..!!!
മുത്ത് റസൂലുല്ലാഹി ﷺ തങ്ങളുടെ കരളിന്റെ കഷ്ണമായ ഫാത്തിമ ബീവി(റ) പിതാവിനെ കാണാന് വന്നു.
സാധാരണ ഗതിയില് മകള് വന്നാല് എഴുന്നേറ്റു കെട്ടിപ്പിടിച്ചു സ്വീകരിക്കും, കവിളില് ചുമ്പിക്കും, തൊട്ടടുത്ത് പിടിച്ചിരുത്തി സംസാരിക്കും.
ഒരു കൊച്ചു കുട്ടിയെ ലാളിക്കുന്നത് പോലെ പെരുമാറും.
ഫാത്തിമ ബീവി(റ) വന്നു പിതാവിനെ ചുമ്പിച്ചു.
പിതാവും പുത്രിയും സ്നേഹം പങ്കിടുന്ന രംഗം വീട്ടുകാര് നോക്കി നില്ക്കുന്നു.
നബി ﷺ തങ്ങള് ഫാത്തിമ ബീവി(റ)വിന്റെ ചെവിയില് എന്തോ പറഞ്ഞു.
ഫാത്തിമ ബീവി(റ) പൊട്ടിക്കരഞ്ഞു പോയി, അല്പം കഴിഞ്ഞ് നബി ﷺ തങ്ങള് മറ്റെന്തോ സ്വകാര്യം പറഞ്ഞു
അപ്പോള് ഫാത്തിമ ബീവി(റ) പുഞ്ചിരിതൂകി..
കണ്ടുനിന്നവര്ക്ക് വിസ്മയം, എന്തായിരിക്കും ആ രഹസ്യം..
ആയിശ ബീവി(റ) ഇതിനെ പറ്റി ഫാത്തിമ ബീവി(റ)യോട് ചോദിച്ചു.
"അല്ലാഹുവിന്റെ റസൂലിന്റെ രഹസ്യം വെളിപ്പെടുത്തികക്കൂടാ..." എന്നായിരുന്നു ഫാത്തിമ ബീവി(റ)യുടെ മറുപിടി.
മുത്ത് റസൂലുല്ലാഹി ﷺ തങ്ങളുടെ വഫാത്തിനു ശേഷം ഫാത്തിമ ബീവി(റ) ആ രഹസ്യം വെളിപ്പെടുത്തി.
ഒന്നാമതായി പറഞ്ഞത് ഇതായിരുന്നു:
"ഈ രോഗത്തില് നിന്ന് ഞാനിനി മോചിതനാകുകയില്ല, ഇത് അവസാനത്തെ രോഗമാണ്"
ഇത് കേട്ട് സങ്കടം സഹിക്കാനാവാതെയാണ് ഞാന് കരഞ്ഞത്.
രണ്ടാമതായി നബി ﷺ തങ്ങള് പറഞ്ഞത് ഇതായിരുന്നു.
"എന്റെ മരണത്തിന് ശേഷം എന്നോട് ആദ്യമായി വന്നു ചേരുന്ന കുടുംബാഗം നീയായിരിക്കും"
ഇത് കേട്ടപ്പോളാണ് ഞാന് ചിരിച്ചത്..
സ്വര്ഗത്തിലെ വനിതകളുടെ നേതാവായിരിക്കും ഫാത്തിമ ബീവി(റ)
ഷെയര് ചെയ്ത് മറ്റുള്ളവരിലേക്കും എത്തിക്കുക
صَلَّی اللّٰه عَلیٰٓ مُحَمَّدْ صَلَّی اللّٰه عَلَيْه وَ سَلَّمْ
صَلَّی اللّٰه عَلیٰٓ مُحَمَّدْ صَلَّی اللّٰه عَلَيْه وَ سَلَّمْ
اَللَهُمَ صَلِ عَلَي سَيِدِنَا مُحَمَّدْ يَا رَبِّ صَلِ عَلَيهِ وَسَلَّمَ
)തുടരും...
********************
Pls visit & like our fb page www.facebook.com/thwaibathuthwaha
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ